આવો… ભૂતકાલીન – ભવ્યતાનો વારસો ધરાવતા સાબરમતી અને સરસ્વતીના કાંઠે આપણાજ પૂર્વજોએ ૧૦૮ સમાજની રચના કરેલ… એને ફરી પાછી સજીવન કરીએ… અને વર્તમાન જૈનેતર સમાજોમાં વધી રહેલ આપણા દીકરા-દીકરીઓના સગપણની વર્તમાન સમસ્યાને હલ કરવા અને કમ-સે-કમ આપણા દીકરા-દીકરીઓના આ છ સમાજના પરિવારોમાં પરસ્પર પ્રભુતામાં પગલા પાડે એવી પરિસ્થિતિનું નિર્માણ કરવા કટીબદ્ધ બનીએ.

ઉપરોક્ત સમાજોમાંથી પ્રત્યેક સમાજ ના ૩-૩ સભ્યો મળીને ૧૮ સભ્યોની કાર્યવાહક સમિતીની નિમણુક ૩ વર્ષ માટે કરવામાં આવેલ છે. જેના પ્રમુખ તરીકે વિજાપુર સત્તાવીશ વિશા શ્રીમાળી જૈન જ્ઞાતિ પંચના માનનીય અધ્યક્ષ શ્રી નવીનભાઈ પોપટલાલ વખારિયા – ગવાડા (હાલ કાંદિવલી-પશ્ચિમ) ની નિમણુક કરવામાં આવેલ છે.

સદર કાર્યવાહક સમિતીના સભ્યો ટૂંક સમયમાં મળી નૂતન પ્રસ્થાપિત સમાજના બંધારણીય માળખાના જરૂરી ધારા ધોરણો ઘડીને આપ સહુની સમક્ષ રજુ કરશે…. ઉપરોક્ત છ સમાજના ૧૮ વર્ષથી ઉપરના અવિવાહિત યુવા યુવક-યુવતીઓના બાયોડેટા માટે એક નૂતન વેબસાઈટ પણ નજીકના ભવિષ્યમાં બનાવવામાં આવશે.